پشاور میں جعلی فیس بک اکاؤنٹ کے ذریعے لڑکی کی تصاویر اور دیگر مواد شئیر کرنے پر سہیلی کو گرفتار کر لیا گیا۔
ایف آئی اے کے سائبر کرائم سرکل نے ایک لڑکی کی درخواست پر کارروائی کرتے ہوئے فیس بک پر جعلی اکاؤنٹ بنا کر دوست کی تصاویر اور دیگر مواد شیئر کرنے والی لڑکی کو گرفتار کر لیا۔
ذرائع کے مطابق ملزمہ متاثرہ لڑکی کی پڑوسن اور دوست ہے اور فیس بک پر جعلی آئی ڈی کے ذریعے تصاویر شیئر کرنے پر لڑکی کی منگنی بھی ٹوٹ گئی۔
چند روز قبل بھی پشاور میں ایف آئی اے کے سائبر کرائم سرکل نے جعلی آئی ڈی کے ذریعے خاتون کو بلیک میل کرنے کے الزام میں پشتو گلوکارہ منیبہ شاہ کو گرفتار کیا تھا۔
