لاہور : بیدیاں روڈ پر واقع عباس پولیس لائن میں کانسٹیبل نے تنخواہ نہ ملنے کے باعث درخت پر پھندا ڈال کر خودکشی کرلی۔
پولیس کے مطابق خودکشی کرنے والا اہلکار محسن جاوید عباس پولیس لائنز میں کانسٹیبل تھا اور اس کا تعلق بٹالین ون بہاولپور سے تھا۔
محسن کے ساتھی کانسٹیبل نے پولیس کو بتایا کہ محسن جاوید کی افسران نے تنخواہ بند کی ہوئی تھی جس سے وہ کافی دنوں سے پریشان تھا اوراسی وجہ سے اس نے دلبرداشتہ ہوکر ازاربن سے درخت پر پھندا ڈال کر خود کشی کرلی۔
