دوحہ میں طالبان کے سیاستی دفتر کے ترجمان سہیل شاہین کا کہنا ہے کہ سابق کابل انتظامیہ کا اب کوئی وجود نہیں رہا۔
ٹوئٹر پر سہیل شاہین کی جانب سے حال ہی میں ایک ٹوئٹ کی گئی ہے جس میں انہوں نے کہا کہ کابل انتظامیہ کا اب کوئی وجود نہیں رہا اور ان کے پاس حکومت چلانے کے کوئی اختیارات نہیں ہیں۔
The Kabul Administration exists no more and has no components of a government while IEA, having all components of a government, is the only and real representative of the people of Afghanistan.
— Suhail Shaheen. محمد سهیل شاهین (@suhailshaheen1) September 30, 2021
سہیل شاہین نے اپنی ٹوئٹ میں لکھا کہ حکومت کے تمام انتظامات اور اختیارات امارات اسلامی افغانستان کے پاس ہیں جو افغان عوام کی واحد اور حقیقی نمائندہ ہے۔
خیال رہے کہ اس سے قبل افغان عبوری حکومت کی وزارت انصاف کی جانب سے بیان جاری کیا گیا تھا جس میں کہا گیا تھا کہ عبوری حکومت سابق بادشاہ ظاہر شاہ کے دور کا افغانستان کا آئین عارضی طور پر نافذ کرے گی البتہ اس میں سے اسلامی قوانین سے متصادم شقیں نکال دیں جائیں گی۔
